(مجلة كل الخواطر) بهية --------- بقلم الشاعر \سيد صادق

بهيه كانت....
متستته ف بيت ابوها ..
تطلب طلبها كان يجاب..
كانت كريمه وسخيه..
وﻻ عمرها اتردلها باب..
اصل ابوها كان ملك ..
مورهاش ابدا عذاب..
واتجوزت من عسكري ..
هيبه وطيبه وكان مهاب..
وحبته وحبها وقالها ..
ع الحكايه كلها ..
انسي ابوكي الملك
واللي ف يوم يسئلك..
قوليله... ايش جاب لجاب ..؟!!!
واتجوزت.. ما جوزها مات..
وتعبت اوي ست البنات ..
بان عليها تعب السنين
وبعد اما كانت بتدي ..
بقت تقول محتاجه هات..
والتاني قتلوه ف عز فرحه ..
ناس واخده الدين ستاره ..
واللي يصعب عليا شرحه ..
اسمه دين وﻻ تجاره ..؟!!!
وعشان ميطولش الحداد ..
وعشان تحافظ ع الوﻻد..
اتجوزت من عسكري ..
شكله خﻻص بقي اعتياد ..
عاشت مع اﻻخير ..سنين
يقول شمال تمشي شمال
يقول يمين تمشي يمين 
لحد ما سنه كبر ....
و اتهد فيه عزم الرجال..
ﻻ عرف يحافظ عليها
وﻻ عرف يربي العيال..
عيالها قالوا امنا ..
لازمها زار .. وعملوا احتفال ..
طلقوها وجوزوها من دجال ..
طيب صحيح وعيبه كان ...
بيحب عيال عن عيال ..
ما قدرت تعيش علي ذمته..
طلبت طلاقها من حضرته ..
وهو عاند .. مفيش طﻻق..
ولو حكمت يبقي الخناق ..
راحت بسرعه لقرايب 
اجوازها التﻻته ..
طالبه المساعده منهم ..
عايزه تعيش وسطهم..
يحموها من جوزها الجديد
وطلقوها منه غصب عنه
وقالولها اسمعي المفيد ..
عشان تعيشي ف وسطنا ..
ونحميكي ب دمنا ..
مكتوب عليكي جوزك
يبقي واحد مننا...
سيد صادق
افتكاسه