خاص بالمسابقة .. شعر عامي
........(نفس المكان).......
نفس المكان
كنا وكان
هنا من زمان
الشمس جايه من بعيد
إشارة للفجر الوليد
لما بنينا حلمنا جوه الوريد
لما إتعاهدنا إننا مع بعضنا
سيف الامان
لما غرثنا البذرة
في ضلوع الحنان
والحمل كان بيتنا
كلن طوبة من فضة
والتانية من إيمان
ياشمس ياشاهدة
ع الأمس بمعاهدة
يانعيش في يوم وحدة
يانموت مع الأيام
أصل البدن واحد
والقلب فيه ساجد
والحب له وارد
وأرواحنا تتواعد
على حبنا الهيمان
بيتنا وكان في السهل
محضون تلال في الظهر
وحديقة كانت مهر
وطيور ماتعرف قهر
وشجر وعالي بفخر
وكل الجمال ألوان
كل الأحبه ببان
وأنا كنت جوه الحلم
لكن بداية علم
كل اللي كان في السلم
في الحرب بقى أنات
أخدوا الحبيب مني
والبيت ماكان مني
قال المكان عني
فاضي يادوب بفتات
زرعونا في الدنيا
في مكان وناس تانيه
ولما تيجي الثانية
بنوته لي حسابات
مافيهاش غير الزكرى
أمسي وضاع بكره
كل اللي فيه فكره
وحيدة في الزكريات
طفله مابين أموات
والحضن راح في تابوت
ومكان يقول حكايات
........(شعر).ّ..ّّّّّّّ.......
عبد الله السايح
