كعب عالي... 
●●●●●●●
الباشا طول عمره
كعبه عالي على الحكومة
و بقليله يراضيها
و تسك له على الخصومة
****
مسكينة !!!
ده حالها حال
مع العيال
و في رقبتها كومة
غرقانه في الديون
مظلومه
****
ما هو الباشا خبره قديمه
ابن اللئيمة
****
عمره مايمسك ايدها السليمة
و عارف ان أم العيال غشيمة
و دايما معاه سخية و كريمة
****
و نفسه يرجع ريما
لعوايدها القديمة
و قبل كل شيء
صك طهر
براءة من كل عهر
****
يخرص القيل و القال و النميمة
و ترجع له مركزه عالي القيمة
****
بعدها ينصب للجوعانين وليمة
يلتهموا فيها الهبر السمينة
و يبصموا له على الوقف
و املاك اليتامى
و يطير يسجل القسيمة
****
و يقطع في الاراضي زي البهيمة
اللي في نظره غنيمة
ده منتجع ..و ده كمباوند سيما
****
و ترخ عليه السما عملة صعيبة
تطير بجناحاتها زي الحمامة
للبلاد البعيدة
****
و اما أم الولاد بتبكي حزينة
من القهر و الندامة
و هي لسه بتقولك
في التأني السلامة !!
.......................... ( حسني الجنكوري ) .
____________________________