جارى التحميل
استخدم زر ESC أو رجوع للعودة
::::::{بحبك انتي }:::::::........بقلم ....د/ سمير فوزي عمر
حببتي انتي يازينة الستات
يابدر كامل ساكن السموات
ياهلال وفارش ع الوجود نوره
وحورية جاية م الجنات
.............*******..............
ياشمس قايده الوجود بالنور
ياقايدة عمري بالورود وزهور
ياهدية ليًا من هدايا الرب
ياكل فرحة ع السنين بتدور
............*******................
بحبك انتي وما ليًأ غيرك
ونور عنيًا ينوره طيفك
ودق قلبي غنوته اسمك
وكل دقة دعاها تهديلك
...........*******................
بحبك انتي والحنين ليكي
وكل مابي فرحته بيكي
ياكل فرحة بالحب تحضني
القلب مني سكنته ايديكي
..........*******...................
بحبك انتي وربي كمان شاهد
وف غيرك انتي قلبي كمان زاهد
ومهما عيني ينظر اليها جمال
جمالك انتي ع الجمال سايد
..........*******..................
نايمة في قلبي ومسبلة للعين
والقلب بيكي زهرة البساتين
بدعي ربي الفرحة تكون توبك
وتدومي ليًا مالكة كل حنين
.........*******....................
.........................."من ديواني .....عامية سمير فوزي"
