جارى التحميل
استخدم زر ESC أو رجوع للعودة
;;;;;;;;; ; لقمة عيش ; ;;;;;;;;;;;
لقمة عيش اياك ترفصها
واللى هيصبر بكره ينول
حاضر طيب مش هرفضها
هو د برضه ياناس معقول
بواب الحاله ف غسيل
تلميع تنشيف ف السلم
وغلاسه تناحه دم سقيل
وتكبر لو مره اتكلم
راضي عادي فوق الراس
طلباتك دوغري البيها
عقلي قلبي له حراس
واستحمل عدي وقضيها
لكن لما يمد ايديه
خلص الذل واجب ردي
بتضرب ابني طيب ليه
نهارك ضايع منتش كدي
عاليه كرامتي فوق معاليك
والغالي ابني متربي
وكفايه بوكسي يوريك
ليله سوده مش هتعدي
ماسك فيا ليه يا زناتي
انسى وسيبك ده موضوعي
شبعت تكبر منه يوماتي
ياما غرقت ف ذل دموعي
بقلم مصطفي احمد
