(أكل البطة وصام ذى الحجة )
قولى يا شادية عتريس فين
لسه مليجى بحب الأرض
الرجالة مش رجالة
والهجانة بتفرض قولها
نافلة وفرض
هيه الساقية ويا هويسك
بالاستيكة من ذاكرتنا
محوها لنفضل
جوا نيامنا نقوم نعرض
خايف يوم عتريس ما دبحله
أبوه زغلولة
شم الدم فغاص ف العرض
لسه جواز عتريس يا فؤاده
باطل باطل
ولا اتحلل م المأذون
أكل البطة وصام ذى الحجة
وراح هايعيد فوق المدنة
بصرخة كاف بتقفل نون
قومى حبيبتى اصرخى ف ودانا
نطلع نجرى لحد الجون
الشاعر ةحيد راغب
