جارى التحميل
استخدم زر ESC أو رجوع للعودة
أوراق التوت
***************
هيا ساعات باقية وهتفوت وإستنانى يادرب الموت
ضاقت بيا الدنيا الواسعه خادها الظالم والجبروت
لما الدنيا صبحت غابه والخاين غدره مثبوت
غابت كل معانى الروح حتى الحلم ف أخره سكوت
ويا ضلام اليأس الجانى وسط معانى الخوف مكبوت
واللى إتبقى من أحزانى سقطت بيه أوراق التوت
ويا زمان الوهم الضايع تلقى سراب العمٌر يفوت
ويا ضباب الحزن الجامح أصرخ يهرب منى الصوت
راحل غدر فى قلب تابوت وإستنانى يادرب الموت
محمد سالم
