جارى التحميل
استخدم زر ESC أو رجوع للعودة
…… (أصحاب الرايات)…… ..
القلب يبكي من الألم
كل الحروف وبتتظلم
لما بكتبها القلم
معقول حبيبي يكون كدا
بالحب بيروح من دا لدا
هوه الغرام فى العصر دا
مايجيش وراه لحظة ندم
ياقلب مخلوق من عدم
إنت بقيت صاحب رايات
وثني مابين المخلوقات
ورجعت أنا كم قرن فات
ولقيت كتير بيدي بدوﻻر
وإنت بتدي بالفتات
أصبح وجودك لينا عار
ياريتنا بس نشوف ممات
وماسبت لينا اليوم خيار
مااحنا كمان فى المأثورات
وف لحظة دوستي على الزورار
وبقينا شيء م المخلوقات
لف الزمن بينا ودار
ونزلنا درجة حيوانات
مرسوم لنا نفس المسار
والحب بنمارسه ساعات
وانت لنا…… لنا كلنا
وف وقت واحد وبثبات
ياخسارة ضاع حبنا
حتى الحياء جوانا مات
وبقينا كدا مع بعضنا
فى الحب أصحاب الرايات
…… (شعر)…………
عبدالله السايح
