(مجلة كل الخواطر ) قلبى لما سالتة عنك ---بقلم الشاعر \محمود ابو الوفا

قلبي لما سألته عنك
عارفه عنك قالي ايه
قالي اوعي تاني تسأل
دي الهوي اللي بعيش عليه
دي الحياه بتدق فيا
ديه روحي ونور عينيه
هي حب الدنيا ليا
وليا هي وانت ايه
هي شمس لليل حياتي
هي فرحه تزيل آهاتي
هي كل ذكرياتي واللي جي من حياتي
وانت جي تسألني ليه
قلبي لما سألته عنك
عارفه عنك قالي أيه
قالي فيكي حياته روحه
ويموت من الفراق
قالي بعدك فيه جروحه
وعذابه اشتياق
قالي عليكي السما ونجومها
وانت الدنيا بكل جمالها
وقمرها اللي منور ليلها
وهي وبس اللي بغنيلها
وانت جي تسأل في ايه
قلبي لما سألته عنك
عارفه عنك قالي ايه
………… . 
بقلمي
محمود ابوالوفا