جارى التحميل
استخدم زر ESC أو رجوع للعودة
فيه من زهورك ونورك اللي شدوني
وخلوني اسيب القلم والورق والكتابة وأشتعل فنان
أرسم لوحة قصادى لورده جميلة بتنادي عليه
خدتنى من قلمي بعطرها الفتان
عملت رموشها ريشه
ومن شفايفها ولون خدودها وشعرها ما احترت في الألوان
وجمعت ورق الزهور ودوبت معاه حبي
عشان أعملها الفستان
والطرحة من سحابه ماشية تتمايل
والكحل أخذته من غصون البان
ومن فروع الشجر وعش عصافير الكناريا
عملتها قصر يليق بملكة الأكوان
ومن فرع مايل وشعر حريرعملت ربابه
تخرج اجمل الألحان
وكتب لعنيها أغانى
وعلى ضى القمر قلتلها
حبيبتي أنا بحبك وبقيت عاشق هيمان
قصاد صورتك فتح قلبى
يا ريت ترحميني بجمالك وتعرفي إن أنا إنسان
