مجلة كل الخواطر:: الفكر الأسود :: بقلم المبدع الراقي أ / عبدالله السايح

……… .(الفكر الأسود)……… 
يا ورد ذنبك إيه
لو تتقطف لسفيه
ويرموا بيك في الطين
وتدوس عليك رجليه
دمك يسيل بأنين
علشان سفيه نرضيه
خفاش وتايه فين
في الليل تكون أراضيه
أعمى في قلب وعين
عايش بدمك فيه
أخد الديانة معين
للزهر ما يخليه
تايه ما بين صفين
يقتل ويبكي عليه
همه الخوارج فين
بعد السنين راجعين
رفع المصاحف مين
قول ياعلي ياحسين 
مين اتخدع بالدين
ومين ماتوا مخدوعين
من تاني ليه راجعين
سود القلوب فى الطين
والفكر نار تحميه
قطفوا الزهور عارفين
يختالوا ريحته فيه
قالوا بيحموا الدين
واتلخبطوا فى أعاديه
أفكار. وفيها هجين
والحرف سمه فيه
فى القتل قالوا إيدين
تقتل أخوه تداويه
جماعات بفكر مهين
فيها الشهيد تلاقيه
يقتل بااسم الدين
مسلم ودايس فيه
بسياسة الملاعين
بالدم حنا إيديه
…… (شعر)… ..
عبدالله السايح