(مليونية العيد) بقلم الاستاذ المبدع\ محمد حجاج

مليونية العيدقالوا مليونيه قلت سقط كام شهيد
قاموا بثوره و قالوا احنا مش عبيد
كلمة قالها عرابى من زمن بعيد
حكمنا الظلمه و حطوا ف ايدينا الحديد
و ربطوا جدودنا ف العواميد
تحملنا الاسى و الوعيد
ظلمونا و كان لغتهم كلها تهديد
حاربناهم ..طردناهم من البلد
و بنينا سد مجيد
رغم زوار الليل كنا اسياد
و ف عصر السادات حاربنا
و عبرنا و الخير زاد
رجعت لنا سينا و قلنلها 
العين دى ميه و العين دى زاد
جه اللى حكم البلد بايد حديد
حكم البلد 30 سنه ما خلى واحد سعيد
و بقت المدام صاحبة الراى الرشيد
و ابنها بقى الوريث الوحيد
هيئوله كل حاجه و رجعنا احنا عبيد
نهبوا كل حاجه حتى الدهب و الحديد
قمنا بثوره و بقينا ف عصر جديد 
عصر الحريه و العداله
و هيخدوا براى اكيد
عشمونا بحريه تشمل حتى الوليد
و قالوا مشروع نهضه
و فلوسنا هترجع من مدريد
و فى 100 يوم هنخلى الكل سعيد
صدقنا و حلف انه عن القانون ما يحيد
للكرسى وصل و اصبح عليه قعيد
لا حول و لا قوة له الا بالمرشد
اللى زود الامور تعقيد
الوزارات و المصالح للاخوان اتمهدت تمهيد
و نسيوا الشعب الغلبان اللى حاطت ع الخد ايد
نسونا الامن و الامان و الخوف جوانا بيزيد
فى القضا ازمه قالوا لا عوده لعبد المجيد
بديع و الشاطر و البلتاجى سلطانهم بيزيد
مرسى قراره عجيب و هو فى رايه عنيد
و الطمع ف البلد بيزيد
عملنا ايه بالثوره غير ان الدم بيزيد
هيجى يوم نحتفل بالحريه بجد
و نشكر رب العرش المجيد
و هتبقى مليونية....... العيد\ محمد حجاج