مجلة كل الخواطر:: شنطة سفر :: بقلم المبدع الراقي أ / محمد ضباشه

شنطة سفر
صفحة من مذكرات الشاعر : محمد ضباشه
ياه ... كل دا
شيلاه فى قلبك ناحيتى
ومضلمة كل الشوارع
وكارهه تمشى فى سكتى
ومحملانى كل الهموم
وأنت معايا فى شنطتى
وناسية دايما بأنك أنت
سبب جراحى ودمعتى
شنطة سفر .. وطريق طويل
وعيونى صاحية فى مشيتى
بتبكى على الليل الحزين
اللى سلسل خطوتى
حتى القمر غاب عن عيونك
وما قدر يرجع بسمتى
طب ليه يا روحى
وأنت فعلا مهجتى
طب ليه يا حبى
وأنت كلى ودنيتى
د أنت الشموس اللى كانت
مونسانى فى وحدتى
وأنت النجوم اللى كانت
واقفه جنبى فى شدتى
وأنت الأيدين اللى تطبطب
لو بان عليا قسوتى
--
نوريلى يا روحى شمعة
وأوعى تنسى اللى كان
لما كنت بشوف عنيكى
كنت بغرق فى الحنان
وكنتى ديما حته منى
حته عايشه فى الأمان
جوه قلبى منورانى
وعمر قلبى ماليكى خان
بس بصى جوه قلبك
هتلاقى حبى نوره بان
وأضاء بحبك كل الشوارع
كل السكك حتى الميدان
واسمعى الله وأكبر
لما اقولها فى الأدان
قومى صلى واستغفرى
هتلاقى حبى مالى المكان