مجلة كل الخواطر:: إكتشفت :: بقلم المبدع الراقي أ / عبدالله السايح

……… ..(اكتشفت )……
إكتشفت إني بحبك مرتين
أول مره كنت أشوفك
كنت خايف زي خوفك 
لحظة شوفتك بين كسوفك
والحنان كان بين كفوفك
والعينين جت فى العينين 
إتكسفتي واتلخمتي والتقيتني
فى ناحية تانيه كان فى ثانية
واخده قلبي للحنين 
والعرق بان فوق جبينك
لحظه شوفته جوه عينك
شوفت أجمل مايزينك
الخجل رعشة إيدين
والتقيتني مرة تانيه
نفسي أسمع كلمتين
كلمتين فيهم حياتي
واللي باقي فى ذكرياتي
واللي كان عمري يوماتي
أنتظر لو همه فين
وانتظرت ولسه باحلم
قلبي دق وكنت أعلم
إني عاشق الحنان ويا الحنين
خدت عندك خطوتين
والعينين جوه العينين
فى الشفايف رعشة حلوة 
إختفت بالبسمتين
كنت عارف كنت شايف
إن جوه الحب عين
كنت سامع دق قلبك
كنت عايش كل حبك
وقلبي يدعي يقول آمين
ولماإيدك جوه إيدي
قلبي كان فرحان ياسيدي
ولمايسأل قال وريدي
قلبي حبك مرتين 
…… (شعر)…… 
عبدالله السايح