مجلة كل الخواطر:: حبك أول قطفة :: " بقلم الشاعر المبدع أ / حسن الشوان

..................... حبك أول قطفة .......................
..........................................................
لما شوفتك علي أغصاني
حبيتك يا حبيبي بالصدفه
متبعدش عني ولو ثـواني 
كفاية شوق ولهفه
متسبنيش لزماني
حبك ليا أول قطفة
مقدرش أتحمل بعدك
وأسيبك كمان لوحدك
وميبقاش لحياتي ودك
أنت اغلي شيء عندي
وماليش حد من بعدك
أنت نبض كياني
مزروع فـيه ودك
أسقيه بحـناني
وتسقيني شهدك
ما شفتش حد غيرك
ولا حبيت حـــد قبلك
ولقيتني في تفكيرك
وقلبي بيندهلك
معقول تبعد عني
بعد ما تشغلني
أكيد غصب عنك
قربت أكــتر منك
طبطبت عليك
ودمـوع عينيك
طرحت وردي علي خدك
مهما تبعد ح ستناك
هواك عندي وهوايا عندك
وأنا علي وعدي معاك
وانت ح تصون معايا وعدك
..........................................................
.......... كلمات .. حسـن الشـوان... موثقة......