مجلة كل الخواطر:: استعجلتي الرحيل :: بقلم المبدع / تامر النقيب

استعجلتي الرحيل 
بقلم تامر النقيب
___
إستعجلتي الرحيل
ورحلتى بغير اوانك
بس أنــــا بتخيلك
وإنتي واقفه وبمكانك
لسه شايف ضحكتك
ايوه حاسس لمستك
حتى صمتك
لما اقولك توحشينى
برضو حاسس عنفوانك
رغم بُعدك غصب عنى 
أستوجدك وأتخيلك
جوه بعيون البشر
جوه الألم
وكتبت اسمك (أغلى حب)
بالدموع فوق الشجر
بفتكر كل كلامك
ضحكتك
يوم ما إتقابلنا 
يوم ماسلمت عليكي
يوم ماحسيت بالحنين
وايديا كات حاضنه ايديكي
وغارو منها العاشقـــــــين
وصرخت يومها م السعاده
لما حسيت رقتك
ويومها كان العشق
ريحته كلها وردك ريحانك
بس ُرحتي بعدها
وسبتينى أسأل 
ليه رحلتى بغير أوآنك
فى وجوه الناس بشوفك
وجهك الحاضر الغايب
اى حد المس إيديه 
لو م القرايب
بحسها بحضن كفوفك
حتى صورتك تبتسم 
ساعه ما امسكها وأشوفك
لسه بحفر حتى صوتك ع الورق
جوه امواجك متيم بالغرق
بس الألم غِيِم بالضلوع
لما بشعر يوم فراقك
ليه رحلتى غير اوآنك
لسه فاكره ياحبيبتى 
فيه كتير بينا وعود
ولا إنتهت ملهاش وجود
ولسه برضو بوحشك
ولا مش حاسه بألآمى 
الحزن جوايا حاصرنى بالقيود
وإنتى سبتينى ورحلتى 
بس لسه عشقى باقى
وأبقى أنا ساكن كيانك
بس عاوز أسألك 
ليه رحلتى بغير أوآنك
كل يوم ببكي لهجرك
وأفتكر نبضك وحضنك
وأفتكر كلمه بحبك
لما قولتيها وحلفتي
ان أنا حب السنين
بس سيبتينى وبعدتى 
أيوه عَاذرِك 
ليكي عُذرك
بس قلبى والله بَعدك 
فى عداد الميتين
_________________
تامر النقــــيب ,,,, من مؤلفاتى وليس منقولاً