جارى التحميل
استخدم زر ESC أو رجوع للعودة
( وحشتيني )
من حنانك فطمني القدر بدري
وكانت عيوني عليك بتدور
في كل الوشوش ما لمحتك
من ساعتها والدمعة
في عيني اتحجرت
في غياب مناديلك وطبطبتك
ملامحك فاكرها من صورة
وبدل ماكنت اترمي ف حضنك
كنت اخدها في حضني واشكي لها
واقول لها اللي ف نفسي واحكي لها
واختم كلامي بفاتحة اقرا لك
ودعوة اخرها يااااارب آمين
واديني داخل ع الخمسين
بس لسه طفل ما كبرتش يا أمي
بحجم الكون
ليكي ماليني حنين
ساعة الولادة قصوا الحبل
والقدر عني َبــَعدك بوفاة
لكن روحك بريحة المسك بتزورني
والنهاردة يوم عيدك لك باهدي
نفس الدعوة في صلاة
في الفردوس اشوفك
مع المصطفي حبيبي
من غير حساب وبيكي
ياوحشاني يجمعني
حمدي صالح
