(مجلة كل الخواطر) "بنسى كلامي" ابراهيم فاضل

صنف العامية

بنسى كلامي 
لما بقابلك بنسي كلامي
ومهمااكتب لك أنسي كلامي
أيام وسنين وأنا كاتم حبي
وأجي أقولك .. أنسي كلامي
وأقول في خيالي
أنك شمسي وأنك ضلي
أنك نهر في قلبي بيجري
بس ياقلبي بنسي كلامي
لما بقابلك.. بنسي كلامي

أنا حاسس أنك بتقول لي
ده مفيش في الدنيا غيرك أنت
أما كلامك ده مش أنت
ياللي أنا حاسس أنك مني
ياللي أنا شايفك جوه النني
بكفاية بقى .. طمني وقل لي
قل لي إزاي أنا حقدر أقول لك
أني بحبك وأنت بتثقل ليل ونهار
لما بقابلك,, بنسي كلامي
كل الناس بيلوموا حناني
وأنت البسمة في كل زماني
وأنت النور اللي في أكواني
وأنت المعنى في كل حروف الحب ياقلبي
آه لوتعرف إزاي ضلك عايش جنبي 
كنت حتعذر قلبي ياقلبي
بس يا قلبي بنسي كلامي
لما بقابلك.. بنسي كلامي

لا .. مش أنت اللي تعذبني
لا.. ولاأنت في يوم حتسيبني
دأنا عودت حياتي خلاص
على أحلامك ليل ونهار
على ترنيمك لما بيعزف على الأوتار 
وأنت يا قلبي هواك جبار
عارف أني بحبك لكن.. ولا على بالك
بكره يا قلبي هواك يحتار
بكره حتعرف أن الحب ده عالم ثاني 
عالم نسكن فيه وحدينا
بكره تقول نبنيه بإيدينا
بس يا قلبي بنسي كلامي 
لما بقابلك.. بنسي كلامي