..

***ماعرفشى قيمتى ***
فى البدء كنت الكلام
فى البدء كنت الغرام 
ياعين بتشرد فى قلبى 
وترص فيه السهام
ياوجه منه التجلى 
ماليش ف اللوع 
والخصام 
عايزنى فرسة تلاقيها 
لما تعوزها بلجام 
انسى وبص تلاقينى 
مخلوقة بالمجدعة 
بحب بس بشقاوة 
ما اعرفش ايه صربعة 
ما اخفش م اللى جرى 
واللى القمر خلاه 
خفاش مالوش ف الضوء 
ولا ف باسم الله 
بيقضى وقت وخلاص
ما يهمه يحزن قلوب
ولا ينكسر بلاص
فى البدء كنت صبية 
عيونى مرسى السفيان 
معجونة بالحنية 
قمرة تخلى الليل
غنوة معدية 
يعشقها قلب اتفطر 
بالشوق 
فى الرايحة والجاية 
يا عينى لما اشتكى 
والقلب منه بكى 
ما لقاش ليله وليف 
ما خسرنى لما خان 
وعملنى نسخة وضيف 
قولولى مين اللى خلا اللقا 
ممسوخة بالتجريف 
دا انا كنت فرسة بإيده 
قتلها زى سحابة 
مارة ف وقت الصيف 
ماعرفشى قيمتى ساعتها 
كالدرة وسط رغيف 
هو الدهب يعرفه 
الا محب عفيف 
مش المعادن جواهر 
واللى اشترى معروف

الشاعرة/... عبيـــــر الجنـــــــدي.