(مجلة كل الخواطر ) أنت صاحبي وحبيبي _ للشاعر المبدع / حسن الشوان

.............................. أنت صحبي وحبيبي ..........................
من قبل ما تكون قريبي
انت صحبي وحــــبيبي
أصيل في مواقفك 
نبيل في عواطفك
ساكن جوايا وعارفك
رويتني وانا عطشان
دلتني وانا حـــــيران
ما عرفت معني النوم
وانت بهمومي سهران
بتطمن عليا كل يوم
بتضلل عليا من الهموم
وبتحس بيا لو همدان
في عز ضعفي انت قوتي
وكنت في ضهري بمحنتي
انت الغصن بترتاح عليه وردتـي
انت السكن اللي بيهدي روعتي
انت نــــور طريقي
وحلاوة طعـم ريقي
وصاحبي وصديقي
في الشده بلقاك جبل
وفي اليأس ليا أمــل
وروحي فيك يا رفيقي
حسيت بأنينك قلت أه
لقيت حنينك خدني معاه
مستحيل أسيبك وأتخلي عنك
مستحيل أسيبك وأهرب منك
انت اللي حببتني في الحياه
النهارده دوري أكون سندك
وما أسيبكش تتألم لوحـــــدك
وأكون ليك عطف ودواء
بدعيلك بشفافية الدعــــاء
بدعيلك وجوايا يقين
نسمة الصدق هي الدواء
والضر مهما كان شديد
الصبر أأقوي وعنــــيد
وحتعيش في عزة وشفاء
وربنا يجعلنا من الصابرين
................................. حســن الشــوان ...... موثقة