همسة وجع
----------------
إللى قال مش ححب
حَب مرة وإتخدع ...
حلف وقال كل النساء عرض ومسرح للخدع
دمى وعرايس يتلعب بيها
قبل ما بينا يتلعب
أصل الحكاية كنت راجل مش اى راجل كنت حبيت الودع
لما كنا نسمع عن الحب فى الروايات
وكنا نقول كلها حكايات
كنا مفكرين مسرح وفيلم وفى الحقيقة مفيش خدع
الحياة فجأتنى بهلع
لما حبيتك وشوفت إنك ملاك عالى
شوفت فيكى الطُهر والطُهر فى بلادى غالى
كنت لما يجى الليل بنام على صدرك العارى
وأرتوى من عذب نهرك وطفى بشهدك نارى
كنت عايش بين شفايفك وخدودك كنت شايفك قمر
والقمر عالى
لما قولتْ إنتى فى حياتى ودنيتى
يبقى فى الجنة إيه
كنت شايفك مش إنسانة لا.. ملاك
كُنت مسحور بالعيون السود الهلاك
كنت بَكدب فيكى الناس
والكلام الدساس
مِن صِحابى والقريب والعَسْاس
كنت شايفك بعينى وعيونى غير عيون الناس
لما شوفتك هناك قصادى
الأيادى فى الأيادى
والإبتسام فى الوش بادى
والكلام مبقاش عادى
رآجعت قلبى من سُكات
هو إيه فى العمر فات
الشراكة فى كل شىءيتقبل
كنت أغِير من أبوكى لما بِيزِيد القُبل
إللى نفسى أعرفة من فينا الاول
لوكنت أنا يبقى ليه فيا كده بيتعمل
عمرى ما قصرت فى حقوقك ولا كنت عَوَلْ
ولوكان هو ذنبه إيه تعذبيه وأنا أكون بَدْل
بعتذر منه بأسف ويا ريت اعتذارى يتقبل
إحترامى لوجوده لوعرفت ما عرفتك والا يكون هبل
لما قالوا القلب ممكن يتوجع
مكنتش أعرف إنه ممكن يتخلع
هو إنتِ جنسك إيه تعملي كده ليه
إنتى فاكرة حد يقبل بكلامك
ولا راجل من جوة راجل يقبلك
إنتِ ما تسوى فى سوق القماش عبك
إنتِ فى الدنيا كبيرك سمك فى شبك
كل صياد ياخد نصيبة من لحمك
ولا فى سهرة يسمعو غنيوة من حسك
إنتِ مين وإحنا مين
إحنا ناس بتعرف المروءة والحب الوفى
وإنتِ لا تعرفى محبة ولا للوفا يوم تعرفى
بحرق القلب إللى يوم حبك وشمعته اليوم بتنتطفى
وبكرة تلاقى نفسك من غير ثمن
بعد ما كنتِ علينا بالحنان تتعطفى
وأحلف بعدك حبايب ما فى
ولا يوم جديد أقيد لنفسى شمعة تنطفى
===================================
بقلمى /أحمد الطيب
