(مجلة كل الخواطر) دنا المصري - بقلم /أسد الشعر العربي ( جمال الشرقاوي )

دنا المصري
أسد الشعر العربي ( جمال الشرقاوي )
أغنية \ دنا المصري \
قصيدة للشاعر \ جمال الشرقاوي \

يــ ناس بقول دنا المصري
كاتب بإيدي التاريخ بدري
حفرت الماضي بنقوشي
و مين زوَّر عليه وزري
و اللي بنىَ لنا الأهرامات
م نسينا إسمه و لا كان مات

يــ ناس بقول دنا المصري

إللي فــ قلبي وادي النيل
إللي تاريخي عمره طويل
و التوحيد كان مِن عندنا
و الأديان مِن جيل ورا جيل
يــ ناس بقول دنا المصري

يــ ناس بقول دنا المصري
كاتب بإيدي التاريخ بدري

يــ أرض الأنبياء يــ بلادي
دة نسيمِك دة أحلىَ نسيم
فيها أمي و ابويا و اولادي
دي جَـنـِّـتـْـنـَـا و ساكنها كريم
و ان كنت ابعد و لا انساكي
دة مين قدِّي بيهواكي

يــ ناس بقول دنا المصري

يــ ناس بقول دنا المصري
كاتب بإيدي التاريخ بدري

بالشوق يــ مْعَدِّي ع الأجداد
شوف ازاي أثرهم زاد
تلاقيهم بينادوا الأحفاد
بيقولوا زوروا فــ أي معاد
و هواهم هوَّ نفس هوانا
نفس الدين و الأرض معانا

يــ ناس بقول دنا المصري

يــ ناس بقول دنا المصري
كاتب بإيدي التاريخ بدري
حفرت الماضي بنقوشي
و مين زوَّر عليه وزري
و اللي بنىَ لنا الأهرامات
م نسينا إسمه و لا كان مات

القاهرة \ من أنتاج التسعينات \
جمال الشرقاوي \ كاتب و شاعر \