حنينى ......
حنينى لصوتك واجعنى
وحسة ان قلبك من كُتر شوقى
بيسمعنى
دا الدنيا من يوم فراقك كل يوم
تودعنى
طيفك فى احلامى هو صبرى
ع الزمن
وصورتك اللى قدامى هى طريقى
المليان شجن
استنى كل لحظة تغمض عيونى
اشوفك فى منامى
واضم فيكِ فرحى
اللى اتسجن
وحشتينى وحنينى موَت جوايا
افراحى
وحشتينى يا اغلى دنيا عشتها
وحياة شفتها
يا ضحكة نسيتنى جراحى
وحشتينى ويعلم ربى انى من غيرك
مش قادرة اعيش
ولاقادر يسكت نواحى ...
عزة وهيب
