(مجلة كل الخواطر ) نفسي. - بقلم الشاعر الخلوووق / حمدى صالح

Hamdy Saleh

نفسي. ،،

نفسي أشم ياسمين حارتك يا شام
وريحة بهار بنك يايمن

نفسي اشوفك يا تونس تاني خضرا
وليبيا مااخافش لو تهت فيها في صحرا
ولا يفجرني لغم وانا باكل تمر العراق

نفسي اسمع الاذان في روما
والقدس بتاعتنا ترجع
وم الفرحة مش قهر
عنيا تدمع
وشكر لله راح اسجد
واصلي فيك يا اقصي الجمعة
بسلام ركعتين

نفسي مصر تبقي ام الدنيا
بحق وحقيق
حرة قوية راسها عالية
و ايدها فوق
نفسي بحبل الله الممدود المتين
نمسك متوحدين

كرهت كل الاغاني
اللي بتقول احنا واحنا
واحنا
في الحقيقة ضعاف متفرقين

،،،، حمدي صالح ،،،