كن الزمن كابوس وأنفاسي عذاب
 
وكن الليالي قوس وفراقك نبل
 
وكن الخدود القاع وعيوني سحاب
 
وكن الجفن مرزاب ودموعي وبل
 
وكن الظروف سهول والملقى سراب
 
وكن الضلوع مراح وهمومي إبل
 
أنا سهرتك والعنا ليل العتاب
 
ترنيمة الخلان ماصول وطبل
 
يا هل ترى إلى متى هذا الغياب
 
تقطعت بي عن مواصلك السبل
 
ما للغلا بعدك مع العالم حساب
 
يا أطهر علاقات الغلا بعد وقبل
 
يا مسند الإيضاح جليت الضباب
 
حبل وصلني في غلاك أغلى حبل