مصر مش عزبة أو وسية
او تكية او ضحية
او غبية ...ومستحية
مصر ارض ونيل وعرض
مصر حضن لكل فرد
والوشاشى ..والنواشى
كلهم ليها... رميه
مصر مش عزبة او وسية
مصر هامة لأ علامة
فى التاريخ حب وسلامة
والحبيب ويا الغريب
حضن دافى تزيد عطية
مصر مش عزبة ..أو وسية
مصر نور وطين ونيل
مصر عزم فى جيل وجيل
والمكائد... والمصائد
حفره دائمة... للاذية
مصر مش عزبة او وسية
مصر دعوة وعيون بتدمع
جوه جامع.. وكنيسة تجمع
والدروب... والقلوب
اتحاد ...وسكة جليه
مصر مش عزبة او وسية
مصر روح وطيبة فى قلب
مصر فيها احلى حب
واللى عاهد واللى جاهد
اسمه ثابت بتاريخ ونية
مصر مش عزبة او وسية
