إحنا المصريين
مسلمين ويا مسيحيين
مافيش فرق بيننا
يا عدو الدين
تيجى تفرقنا
و تزرع بيننا الأسافين
------------
قولوا معايا يا شباب
جرجس و محمد
دولا أصحاب
واقفين سوا
ضد الإرهاب
ربنا واحد
رب الأرباب
-----------
مش حا تفرقنا يا مجنون
انت و غيرك
أو من بنى صهيون
إسمع محمد بيقول ايه
المصريين
فى رباط ليوم الدين
اوعى تفكر
اننا نايمين
وقت الشدة
متكاتفين
-----------
قوم يا مصرى
قول للناس
اللى عامل خده مداس
عمره ماكان
عنده إحساس
و لازم ييجى يوم
ينداس
---------------
كلمة أخيرة أقولها لكل رئيس
إوعى تسمع أى خسيس
حانبنى جامع ويا كنيس
و نغيظ بيهم المهاويس
و نقضى بيهم ع الجواسيس
---------------
روح يا مبارك
ياللا و غور
عايزين بأه
نعيش فى النور
و انت كمان
يا ابو طرطور
حزبك خلا الشعب
يبات مقهور
فشلك واضح
لكل وطنى غيور
-------------
بس و رحمة أمى ويا أبويا
واقف ضدك
أنا و أختى ويا أخويا
لحد ما ييجى يوم نتحرر
من حكمك انت
و كل العسكر
