ماتأخذينيش ف تعبيرى ...للشاعر عبدالباسط محمد

تأخذينيش ف تعبيرى
أنا مش أعيش علي أرضك
وأشوف عرضك بيتبهدل
وأنا مبهدل ف توب العـبد
متمرمط بقلبي الأرض
من غير نبض يحييني
يموت فيّ ظلم السيد
وقلبك مني متبرى كأني لقيط
ولاقياني بلفه فوق عتب جامع
وفايتاني ف عز البرد
مرمي بعيد
ونارالزل صهراني
ف همي وحيد
بشال الحزن متلتم ومتيتم
علي يدك ضني الأحلام
ومتنتور هناك دمي ف كل مكان
علي الأسفلت جوه البحر
ع القضبان
لدرجة حتي في الملعب
ف هجمة ظلم مرتده من الحكام