كلماتى : خالدأحمدعبدالسميع
.............................
عاوزه تانى تبعدينى
................ ..............
بعد ما قربت منك
عاوزه تانى تبعدينى
إنتى ناسيه برضه إنك
تبقى روحى وضى عينى
قلبى دا مشتاق لحضنك
ليه فى لحظه تهجرينى
ليه فى لحظة لما اضمك
أحس بيكى جوه عينى
قلبى نفسه يحس إنك
لما اضمك تسبقينى
قلمى نفسه يحكى عنك
وف غرامك يشتكينى
يكتب اللى شفته منك
بين سطور عمرى وسنينى
يحكى عن قلبى وقلبك
عن عذابى وعن حنينى
نفسى أعرف ليه قساوتك
ليه حبيبتى بتجرحينى
كل ما بتزيد غلاوتك
ألقى روحك بتنادينى
تدبحى قلبى بإيدك
وبعنيكى بتداوينى
إبن الريف ..خالد أحمد
