حكاية عود
وتر مشدود
وفلت اهمس له
بصباعى سمعت نشاذ
وصرخ العود
وقال لى لآ مفيش داعى
يا أستاذ
بقالى زمان هنا مركون
ما بين ضلمه وخوف وسكون
مفيش داعى تصحينى
ولا تمسح تراب يأسى
ما تتركينى وخلينى
بحن لذكرى من أمسى
يموت اللحن جوايا
وموته بطئ
وانا سرحان فى ضحكايه
ببل الريق
حقيقى زمان
عزفت أنا أجمل الألحان
وويا فريد وسنباطى
بقييت عايش
بقييت حاسس بإنى
ملاك...........
ياما لفيت هنا وهناك
دا لحن الودن تسمع له
كمان الإيد تصقف له
وناس قاعدين هنا
ساكتين
وانا وحدى اللى بتكلم
لكنى خلاص ............
طلعت معاش
وراحوا اصحابى وسابونى
وجاى دلوقتى تلمسنى
تفوقنى . تصحينى
خلاص أوتارى مقطوعه
ولا في لحن يشجينى
بحن لذكرى جوايا
وكلمة أه بتكوينى
كلمة أه
بــــتــــكــو يــنـــى
أحمد شاهين
29 \ 7 \ 2015