أغنية ...

نفسى فى ضحكايه

صعبانه عليا نفسى
م العيشه والحياه
الذل كسر لى نفسى
وعقلى منى تاه
يا شوارعنا الحزينه
فين ضحكة زمان
ويا أجمل مدينه
راح فين الأمان
يا دموعى ما كفايا
نفسى فى ضحكايه
لو مره كدا من نفسى
صعبانه
صعبانه عليا نفسى
الناس إتغيرت
وفين ناس زمان
بفلوسها إتأنعرت
ونسيت إللى كان
دول كانوا زينا
ناس على أد حالهم
نسوا عيشنا وملحنا
لما ربنا إدالهم
يا دموعى ما كفايا
نفسى فى ضحكايه
لو مره كدا من نفسى
صعبانه
صعبانه عليا نفسى
بيقولوا فى المثل
صوابعك مش زى بعض
ناس مر وناس عسل
وناس ما تصونش عرض
وناس يا ناس غلابه
وناس هما الديابه
وناس خسرت حياتها
م الجهل والطيابه
يا دموعى ما كفايا
نفسى فى ضحكايه
لو مره كدا من نفسى
صعبانه
صعبانه عليا نفسى
كلمات \ أحمد شاهين
10 \ 5 \ 2015
مـــو ثــقــه