ظلم اليتيم
من ديوان (نفسى اعيش )
للشاعرة مرفت موافى
كل القلوب تشتكى مر الفراق
وانا حاسس غربتى حتى فى لقاكم
عمرى ما حسيت مرة بامان ويوم فى السنة عايش وياكم اعملولى الف يوم فى السنة انا طول السنة من غير اب وسط كرب اعياد كتيرة انما مش احسن من مبانى كتيرة يوم اليتيم كتر الاحزان عليا سموه يوم السعادة وآآآآآه من ظلم اليتيم لما تظلمه الايام ماترجعونيش للشارع للملجأ اللى حيطانه من قلبى الموجوع لكل يتيم كلمات الشاعرة مرفت موافى ..............................موثق بمعرفة الشهر العقارى ثم صدر فى دبوان( نفسى اعيش) ...............
عمرى ما كنت واحد من دنياكم
طول السنة عايش لوحدى
الولاد متحضنة بحيطان امان
شبعانين عطف وحنان
حتى الكلاب متسلسلة
بفضة ودهب
وانا ذنبى ايه
يتمى عليا ينكتب
مالحقش اشبع بالسلام
وتودعوا
طاب قولوا امتى هترجعوا
بعد سنة
اكون شبعت فيها مسكنة
حبة عذاب حبة ضنا
عشان هدمتين ولقمتين
من السنة للسنة
شبعان ضرب واهانة
من غير ام حالى يغم
لا عرفت بر ولا سلامة
شخط وضرب
معلم فجسمى
الف علامة
لو مأوى واحد يلم اليتامى
مافيش وراها غير غير الملامة
انا بتلحف بالسما
وعشا يا ذل وندامة
لو خدنى حد يلمنى
ويضمنى بسرعة يقولى مع السلامة
حفلاتكم دى منظرة
كدب ونفاق وفشخرة
اسكت يالا
اخرص يالا
ارجع ورى
راعى اليتامى
اهو حضر
بكل هيبة ومنظرة
اصرف لهم وجبة طعام
ادفعلهم تمن الهدوم
وكل واحد يروح ينام
وارجع انا اعيش مظلوم
والتزم بالصمت لما
كل واحد يقول كلمته
ويصقف الجمهور
وياكل ويشرب من فرحته
وتروحونى على ملجأئى
يالا نام ياابن الشقى
خلونى ناسى الدنيا
وا للى عملته فيا
سموه يوم الامان
وكتروا الايام بزيادة
انا عظشان للحنان
هى الجنة رخيصة عليكم
مش عايزين تجاوروا الرسول
انا تعبان انا مظلوم
انا مش لاقى الراحة يادنيا
لحد امتى هفضل محروم
دور اليتامى من السنة للسنة تاخد يتيم
تلم عليه الصدقة والاحسان
خدونى فى حضنكم دنا
مت عذاب وضنا ونسيت خلاص الابتسام
اشتكت من دموعنا
والمواجع
كل مااشوف الراحة مابينكم
يصرخ صوت من جوايا
انا ضايع
انا راجع
تانى يوم للشارع
