انا مصر
(عمار يا مصر عمار)
أنا مصر قبل الامصار انا
مصر
مين قبلي فى الأقطار
ليا حدود متحددة بدقة
معروفة
يابسة وصحاري وبحار
أنا نيلي شريان الحياة في
قلبي
بيجري أطول الانهار
مشوار طويل بيقطعه من
منبعه
لمصبه بعزم وبإصرار
عدى عليا الزمن سنة ورا
سنة
شامخة بواجه الأخطار
أنا مصر مين قدي صابرة
وصامدة
فيا الاعادي تحتار
وفي بطني مقبرة للغزاة
يهود
هكسوس رومان وتتار
زالت دول وانمحت وأنا
مازالت
مهما الزمن مر ودار
انا مصر مهد الحضارات
والمعارف
وعلومي لها اسرار
ياما دقت على الرأس
طبول
وتاريخي يحكيه السمار
ليا ولاد سمر بيضحوا
من أجلى
على مر الزمان أحرار
لو قلت ياولادي يلبوا
النداء
لايهابوا موت ولا اخطار
مين اللى يقدر يقرب منى
حدودى
حمم ولهيب ونار
أنا مصر المؤمنة من القدم
عارفة
الحساب والجنة والنار
فجرالضمير عندى أبتدى
متحضرة
أنا الفنون والعمار
أنا اللي نطقت الحجر
يحكي
عن عظمتي وأسالوا الآثار
لو يوم مرضت بكرة هتعافى
قولوا
عمار يا مصر عمار
ربي ذكرني في قران وفي
التوراة
وتجلى علي الجبار
وقال ادخلوها آمنين مطمئنين
بلد
الصالحين و الأبرار
أنا مصر لابركع ولا بنحني
ولايهزني
محن ولا اخطار
الشاعر عبد المنعم حمدي رضوان
