شاعر الجيل
( جمعه العراقي)
سيبك منها
*0*0*0*0*0*
سيبك منها ياقلبي
دي كانت تمثيليه
البطله كانت حبيبتك
والنهايه انت الضحيه
كل ذنبك اديتها قلبك
من غير ماتسأل عليها
اتاريها بتبيع في حبك
وبتقتلك بأديها
علي اد حبي ليها
كان بتأسا عليا
طب ليه تعلقني بيها
وتقولي انت اللي ليا
سيبتيني وطلعتي لفوق
مش مزعلني منك الا الشوق
خنتي العهد وسيبتيني
مفكره انك ذليتني
خدعتيني بحروفك
وحطيتي علي قلبي سيوفك
شكرا علي الدرس والصدمه والاوهام
كنت في حبك طفل عرف الغرام
رضيع ومش عاوز فطام
طلعتي بطلت تمثيليه
حافظتها وحافظ كل اللي دار
لاكن صدقيني لما تترفع الستار
وتقلبي في الادوار
هتلاقيني مظلوم ومنهار
يام قلب جبار
حرقتي قلبي بالنار
صدقيني هاتفرج عليكي
كل حلقه هاتيجي ليكي
حبيتك واتصدمت
كنت جبل واتهدمت
طلعتي بطلت تمثيليه
كنت فيها انا الضحيه
ليكي مني مليون تحيه
الشاعر جمعه العراقي
