والهوا هوي الموضوع
ندى أمين الاعور – لبنان
مش كل دقيقة بعطش
ولا كل لحظة ممكن جوع
لكن كل تكة بتنفس
والهوا هوي الموضوع
بحتاج الهوا النقي
حتى اخذ اكسيجين
هيذا قانون الحياة
للنبات وللحيوان
والهوا بيبرم بيدور
تيغلف كل البلدان
ممكن ينقل التلويث
معو من دولة لدولة
امراض بتفتك بالكل
هوي وعم يعمل جولة
هيي وماشي السيارات
بتزرع الهوا دخان
دواخين المصانع
ازمة كبيرة وين ما كان
خلينا نقكر بحل
حتى ما نندم بعدين
شوفوا شو لازم نعمل
حتى نكبر بأمان
