_________ دفاتر الغلابة __________
الإحمال مفروض بس علي الغلابة
وبيدفعوا التمن مرات ومرات
وفي كل مره هي هي حروف الكتابه
والعناوين السوده والمانشيتات
حوادث فظيعة و كوارث كلها غرابة
كل يوم بتزيد عجب وحكايات
وشوش قدومها علينا عفش ورتابة
والتأخر في جميع المجالات
وكلام ورغي والوان وبراهين كدابة
وفي الواقع ملهاش بصمات
الموت علينا حق ميعرفش صحابه
والقدر مكتوب في الصفحات
عايشين في الدنيا وحاسينها غابة
في الفجوة ما بين الطبقات
والحقيقة محبوسة وحوالينها الديابه
والتعلب لما فات قالوا مات
لا محروق ولا غريق ولا بإي إصابة
وإتكتب في صفحة الوفيات
وكتبوا أسمه في دفاتر الخرابة
بس لسه في ديلة ( ٧ ) لفات
___________________________________
................ حسن الشوان ..................
