(((حرف حزين )))
ليه بتقولوا الحرف حزين
طب مهو لازم يبقى حزين
مش دا من طبع البنى آدمين
يملا الحزن عيون ملاين
أيه هيفرح ولوهيفرح
لازم تضحك ولوقهقهت مين على مين
ومحدش راضى من الفريقين
حتى الضحكه نزله بدمعه
نزله بحرقه وسايبه علامه
يلاأمسح عينك شمال ويمين
ولو فيه ضحك يبقى لمين
مش هيدوم لدقيقتين
مش متشأم ولامتفأل
لكن دا نبض البنى آدمين
دايما يعشقوا كل حزين
فى الأغانى وفى التعبير
يمكن عشان عمرالفرح بنا قصير
والأوجاع بنا طويله
زى ليل الشتا الطويل
وعشان اليأس يمشى بعيد
ونحول أحزنا لعيد
أمسك فاسك وأزرع أرضك
خلى الخير يزيد ويفيض
أعبد ربك وأدى فرضك
وخلى رأسك فى الحق عنيد
وأقلب وشك للأوجاع
وخلى صوت الفرح سماع
يملا الدنيا ويبقى مشاع
تلاقى قبول م الناس وتبقى مطاع
كلمات/محمودصلاح السيد 1/3/2019
