***ليه انا بحبك
--------------
حُـبــك فــاق كُــل العـبـاد
حُبـك في قلبي ميّه و زاد
معـرفـش ليه قلبي بحبـك
وبينـك وبيني بلاد و بلاد
ثغرك وقّـدك وخال خدك
وجفـون عنيك جبـل وداد
و بعدك كواني بنار ودك
والشـوق إليكي بقلبي زاد
نفسي لـو أشــوفـك لحظه
يا رب يموت أسـم البعـاد
يـا رب حتي و لو صدفه
صدفه خيرمن ألف ميعاد
ترويني من خمرة ثغـرك
دمعي مداد ونومي سهـاد
معـرفش ليـه قلبي بحبـك
يمكن عمل معمول بمداد
بالزعفران علي ديل قطه
وتايهه في حواري البلاد
يمكن علي غصن شجره
أونظـره من عين الحُساد
معـرفش ليـه قلبي بحبـك
وراكبه ليه حصان العناد
مش شايفه ليه دمع عنيه
انا الحبيـب وانت الجـلّاد
محتـاج شقـاوتك ودلالـك
ورقة كلامك في الأعيـاد
عــارفه ليــه قـلبي حَـبِك
لأن شـوقي كـفّــي و زاد
رغم البعاد برضه بحبك
انت الهنــا وانت المُـراد
-----[مبروك البنا]-----
