أنا هفضل بس إنسان
فين إسلامنا يا مسلمين
حرق وقتل بإسم الدين
مش دي عقيدتنا يابني أدمين
ولاده نهج رسولنا الأمين
ليه تغتالوا سماحة الدين
وإزاي تتسموا مسلمين
بتخونوا دينكم لحساب مين
ده لو ليكم أصلا دين
فين إسلامنا يامسلمين
حرق وقتل بإسم الدين
إسلامنا دين رحمه وسماحه
دين أخلاق مش دين لوقاحه
إسلامنا برئ منكم بصراحة
وبتستشهدوا بيه بكل بجاحه
فين إسلامنا يا مسلمين
حرق وقتل بإسم الدين
رسولنا كان في يهودي جاره
يوماتي يحط أذي قدام داره
ولم غاب يوم وماسابش أثاره
نبينا عرف إنه عيان راح زاره
شوفوا إسلامنا وشوفوا أفكاره
شوفوا هدي نبينا وشوفوا أنواره
فين إسلامنا يا مسلمين
حرق وقتل بإسم الدين
الإسلام مش دين إرهاب
دينا ما يعرفش الكداب
أمنا بكل رسول وكتاب
أمنا بجنة ونار وحساب
دينا دين صدق وأمانه
مش دين غدر ولا خيانه
ما أمرناش للغير بإهانه
ولا خلي أخلاقنا جبانه
فين إسلامنا يا مسلمين
حرق وقتل بإسم الدين
أنا عن نفسي ديني في قلبي
أنا مسلم نبي محمد والله ربي
مع شهواتي هتكون حربي
وللبشرية هقدم خيري وحبي
بدون تفرقة بين عربي وأوربي
ومش لمناصب هيكون غلبي
إنما طمعي في رحمة ربي
ورضاه عني في بعدي وقربي
ولا داعش ولا قسام
ولا تكفير ولا إخوان
ولاتفجير ولا ألغام
أنا هفضل بس إنسان
الإرهاب لا وطن له ولادين
تحياتي
وليد النميري
