آه ياقلبى

شعر/محمود العزب

18/9/2018

قلبى اللِّـى  ماحَـبْ غيرِك

يـاحبيبتـى  بينـادى لِـك

وانـتِ طول عُمرِك  هَـواه

وقال لى إن مافيش مَثيل لِك

وعُمرُه ماهاينسَىَ  جِميلِـك

وانـتِ  مِتجاوبَـهْ  معـاه 

وكُـل دقـاتُـهْ  عشانِـك

وكُـل آمالُـهْ ف غرامِـك

طـوول حياتُـهْ  مقَوِّيـاه

وانـتِ اللِّـى مـخَلّـِيـاه

يقول  فى حُبُّـك  مُبتَغـاه

وف عَذابُـهْ  مِـحبِّـبـاه

وانـتِ اللِّـى هَواك بِريدُه

وحُبُّهْ فيـك عَمَّال يزيـدُه

وانـتِ لُـهْ كُـل الحيـاه.