عفاف الصادق حمد النيل
إمرأة سودانية من الزمن الجميل !
كتبت أبياتآ من الشعر لزوجها الفنان أبوعركي البخيت ، عندما حان لحظة سفره الي خارج البﻻد ، في فترة ضاقت عليه السبل بالبﻻد .
كتبت عفاف قائلة :
ويوم تقول داير تسافر
بستف الحب بين مﻻبسك
كل هدمآ ترتديهو
تﻻقي فيهو
قليبي حارسك
ولما تهدأ فوق وسادتك
تلقي روحي ملت جوانحك
ولما تغمض رمش عينيك
أبقي في نومك أزاحمك
ولما تبقي أمام مرايتك
تلقي صورتي كست مﻻمحك
وكل موقف من مواقفك
أبقي قدرك
وأبقي فيهو أنا البشابهك
ولما تمرق لي صحابك
وكل زول بي شوق يسالمك
تلقي في إيديهو إيدي
ولمحة من عيني تصاحبك
حتي في نغمة كﻻمو
تلقي صوتي مزج سﻻمو
وتحس بي أنا البصافحك
وين تسافر مني تمشي ؟
وين تقبل مني تبري؟
ياني فيك أنا إمتزجت
بمزج النفس البيطلع
مرة شهقة ومرة زفرة
أكون الدم في عروقك
وأمشي في شريانك أبري
مسلك الحب في وريدك
فيه بغرق ومنه بروي
ياني ندك وليك نديدك
عنك أكتب ومنك أقرأ
وإلتزامآ بالقضية
والتمسك بالمبادي
والمبادي هي الحقيقة
والحقيقة العندي هي
ﻻمساوة ﻻمساومة
في المقاومة
بي مداومة
وإلتزامآ حق تمامآ
انا البريدك
انا البريدك
وين بتمشي بﻻيا دربآ
وكل دربآ بتمشي فيه
لي بودي
وكل حدود الدنيا عندك
هي حدي
وين ماقبلت تلقي
إنك إنت مني لي
إنك .... إنت
كل ماعندي
