-------------
مستنيين----------؟
مستنيين غيوم القهر
تمطر فرح
على أرض االحزن والخوف؟
تسقي بذور قتلها
الألم ببحور؟
مستنيين شجر الصحاري
ينبت في جحور 
الحرمان والجور؟
مستنيين الأماني
تطرح نعيم في البور؟
شمس النهار تطلع
لو عشنا صحيح في النور
نبني بيوت المحبة
نزرع العشق بذور
لو كان الأمل بستان
يبقى العمل سواقي تدور
تنبت أمانينا
مستنيين 
سواقي الغدر تسقينا؟
يمكن نموت
في بحور العطش والخور
يابحار الأماني
شفتي مراكب
تجري في صحاري؟
شفتي ساعات الحلم
بدون عزم بتدور؟
مستنيين خداع ظالم يصحينا؟
يطول ليلنا 
عمر طافح بلاوينا
يبقى النهار خادع
نعيش في كهوف تكوينا
نصحى في برد الشتا
سرق الظلام فرشه
والسما تمطر سحاب
الغدر اصل الغدر طبع فينا
------------------------
شاكر محمد المدهون
2\4\2015