حفرنا القناة :-
========
بصدق وعزم أولادنا 
وغيرة وحب لبلادنا 
أعادنا عز أجدادنا 
وسلمنا الراية 
عالية لأولادنا 
حفرنا قناتنا بأدينا
وعدينا
وشلنا مصر فى عنينا
وشدينا حزام الصبر شدينا
وعملنا كل ما علينا
خلاص الخوف هجر بيتنا
حفرنا قناتنا بأدينا
وعدينا
وصوتنا خلاص بقا منا
ما حدش عاد هيحرمنا
ولا المعونات هتلزمنا
وربك هو يكرمنا
ويعطينا ما يحرمنا
حفرنا قناتنا بأدينا
وعدينا
لكل صعابنا عدينا
ومصر خلاص بقت لينا
أنا و ناجى وأخوى مينا 
رجعنا خلاص لبعضينا
وجمع الشمل أهلينا
بقينا أيد فى وش كل أعادينا
حفرنا قناتنا بأدينا
وعدينا
بقلمى ،،
على مصطفى ،،،
27 / 7 / 2015 م

.