أنا بسألك أنا

للشاعر : محمد ضباشه
أنا بسألك أنا
ليه قلبى حبيبى نداك
وأشتاق لوصلك 
وأتمنى ياروحى لقاك
وبعتلك سلامات ومحبه
مع نسمه هوا بتطير
تقولك انا مشتقالك
ووحشنى حبيبى كتير
طولت غيابك ليه ؟
ماكفايه بعاد وغياب
والدمعة سكنت عيونى
وشايلالك حبيبى عتاب
أسهر على جمر اشواقى
وأشكى للهوى حالى
وأعيش عل أمل لقياك
وتريح باللقا بالى
وأعيش فى نعيم قربك
ونصحى الحب جوانا
ونقول للصبح استنى
دى لسه الشمعه سهرانا
وأرقص من الفرح حواليك
وترسم فرحة فى عنيه
وتاخدنى فى حنان قلبك
وأحس بفرحتك بيه
وأنا بسألك أنا
ليه قلبى حبيبى نداك
وأشتاق لوصلك 
وأتمنى ياروحى لقاك