آخر الصف
بقلم/ زهرة يونس
أنين الغربة يتحنى
بلون الصبر
جنين الفرحة يتكفى
مصيره القبر
عريس يتزف للجنة 
ودمه المهر
عروسة قدرها تتمنى
شراع التبر
يحاجى عليها تتهنى
ويحلى العمر
لكن فجأة ..
قطر الضحكة يتعثر
ووش الأرض بيكشر
يسود الظلم
وشهد المر يتكرر
ملامح بكرة تتغير
يتوه الحلم
نعيد ونزيد ف شكاوينا
وجعنا يدادى خطاوينا
ونضرب كف فوق الكف
نقول لو بكرة مش لينا
أملنا لفين مودينا
أدينا يادوب.. ف آخر الصف
يعود ابنى من الغربة
عشمان ف متوى ف العزبة 
يلاقى الضلمة سدادة
ونار حكاويها متقادة
يقول ياريته مادار ولا لف
ياريته فضل هنا معانا
مافارقش ولا ضحى وعانى
وان جات ف يوم 
أرضه تعوزه
فداها..كان قدم روحه
لاجلن مانيلها ف يوم مايجف
لاجلن ماتطرح لولاده
حبة أمل .. إن بلاده
ف يوم هتبقى ف أول صف
الشاعرة/زهرة يونس