حياتى انا حلوه بيكى
للشاعر : محمد ضباشه
حياتى انا حلوه بيكى
وعايش علشانك أنتى
ما أنتى شمسى وقمرى
ومنايا وروحى أنتى
خليتى طعم لحياتى
وفتحت قلبى ليكى
وبقول يارب هون
وألقانى بين أيديكى
أشرب من نهر حبك
وأيامى تحلى بيكى
وأسهر قلبك فى حضنى
وعنيا بتناديكى
وأقول خدينى منى
ودوبينى بحبى فيكى
صورتك جوه فى عيونى
بتكتب أجمل روايه
وقلبى قاعد بيسمع
حبى وقدرى ومنايا
وكلام خلانى أعيش
وأمسح دموع بكايا
واقول الدنيا حلوه
طول ما بسومة معايا
ننسج من الحب توب
وطرحة طويله ورايا
وأفراح من القلب خارجة
مالى بيها سمايا
وفرحة خارجة حلوه
حاسس بيها فى حشايا
ان حبيبتى جنبى
وحققت معاها منايا