د مـــّى ا لـطــــر ى
&&&&&&&&
سايق عليكى الأوليا ...
تِـمسحى ..دمعة عنيكى
دى نازلة نار 
على قلب قلبى ..بتحرقـُه
ومقطّـعة شريانى منى بالوجع
على ميت طريق 
وميت رصيف ... بتفرقه
سايق عليكى الأنبيا
ما تسلميش للضلمة يوم
لو باقية شمعة ف جتتى
وبنارها ..هتنز الهموم
هاستحمل النار والوجع
وانت ..
بنورها تفرحى 
تتونسى
تتدفى على حرقة جراحى 
وجتتى
واقلع عيونى تشوفى بيها 
فرحتك
وانزع أنا ...
جلدى اللى ساتر جتتى
وانت يا غالية 
تتكسى
سايق عليكى الرقوة
وبخور الحسين والسيدة
لا تقومى وتكيدى العدا
كنا احنا فين ؟
وأنت فين ؟
لما انت شيلتى همومنا 
فوق كتفك سنين
ولا يوم بكيتى 
أو شكيتى م الألم
ولا يوم عملتى معددة
يا مؤمنة ..يا مريمية وطيبة
ومـسَـبَّــحة وموحـِـدة
ليه كل دة ؟
سايق عليكى الدم 
سايل ع الطريق
لا تطفى بإدينا الحريق
وتكونى 
زى ما كنتى دايماً 
طوق نجاة
وتلملمى كل الجراح
وتفـَتّــحى .. شمس الصباح
وترجعى الحلم اللى تاه
يا كل طلعة شمس 
من نور ال؟إله
يا عشقى 
من يوم مولدى ليوم منتهاه
سايق عليكى 
فرحتى يوم نصرتك
لمت ولاد وسط البلد
واللى هناك 
على طرف رسمة خرطتك
من الشمال وم الجنوب
حتى اللى مات 
واللى اتولد
كل العيون متجمعة 
ومدمعة
دمعات فؤح
وقلوب بتحضن بعضها 
والنور ....طرح
من جدر أرضك للسما
شريان وواصل ...بالمدد
سايق عليكى عريس
وضحـَّـى بفرحته
وشهيد 
وسلم روحه من يوم ما اتولد
ونسى يسلم جتته
وعروسة ماسكة ف جلابيتك 
بالأمل
مش مُـحتمَــل
ترجع بشوقها للعريس
ولا فرش بيتها .. تستفه
عصفورة .. ريشها من دهب
والنسر لاجرب ...نـَتـِّـفه
كان حلمها 
يكمل فى حضنك ..فرحها
وتزغردى لهاوبإديكى 
تقيدى أجمل .. شمعها
قدتى الشموع 
على قبرها
سايق عليكى 
كل رقعة ف جتتى
سايق عليكى الشعر
سايق ...كلمتى
وحروف سطورى التايهة منى ف دنيتى
مش نزف قلمى ... صدقينى
دة نزف دمى ... ودمعتى
مـوجـوع ...أوى
دمعك 
حارقنى بالأوووى
عايز ...أصرخ
إسمعينى ... قربى
صوتى خلاص
ضاع فى الرصاص
واللى باقى لى ...
نبضة بتعا فـِـر عشانك
إسمعيها والنبى
سايق عليكى كل دول 
لا تفرحى 
وتفرحى ...دمى الطرى 
لساه ما جفش
زى ماهو ..ف مطرحى
..................
بـــقــــلــــــــم ا لـــشـــــــا عـــــــــــــر 
أ بـــــو عـــمـــــــــــا ر ا لـــمــــصــــــــــر ى