معايا منين ماباروح
**************
بعيد عني
وقريب مني 
وعايش ويايا 
نبض قلبه
ساكن جوايا
لا يوم فارقني 
ولا روحه فارقت هوايا 
معايا منين ما باروح 
مالك مني النفس 
ومعاها مَلك الروح 
يبعد وينساني 
يغيب . يهجر . ويتغرب 
ويرجعلي من تاني 
وبحجج واهيه 
ألاقاه يتقرب
ناسي عذابي في هواني
وحيرتي وييَّ حرماني
والدنيا إللي قاسيه وظلماني 
وأنا صابره 
صابره علي المكتوب 
لاقادره أبعد 
ولاعن حبه ممكن أتوب
وكل يوم أساه يزيد أكثر 
وأنا في هواه أدوب وأسكر 
ياما منه !!!
ياما منه أيوه عانيت 
لاقدرت أهجر 
ولا عنه اتخليت 
يجي يقول نرجع 
وقلبي بلهفه شوق 
يرد !!! يارت
ومنين ما يحتاجني 
بسرعه يلقاني 
معاه روحي 
ونبض وجداني 
قلبي وكل كياني 
وعنه مابتأخر يوم 
لاغِفلت مره عينيا 
ولا عِرفت معاه النوم 
يناديني أقول شوبيك 
معاك في التو والثانيه 
معاك !!!
وعنك مابعدت ولا مره 
يقولي تهت من غيرك 
روحتي فين ؟ 
أنا جيت !!! مالقيتك !!!
وإشتقتلك !!! 
أشتقت لحنانك 
وإنتِ !!!
ماإنتِ موجوده في مكانك ؟
إشتقت لسحر عيونك الباكي
وعَز عليا 
عَز عليا قلبكِ الشاكي 
وأنا جيت !!!
ودلوقتي هِنا معاكي
رديت وقولت ياريت !!!
مش قادره تاني أكمل 
ظلم وقسوه !!!
أنا ماعُدت أتحمل
صفاء عبد ربه