الشبك في إديك يا شاطر ضحكتة ماليه البحور
منتظر ترميه و تتوكل علي العاطي الصبور
هيلا هوبا و يلّا بينا 
سمّي بالهادي نبينا
رزقك المكتوب و جايلك جوا قارب أو سفينة
مهنتك و الصبر غالب
موج و صنارة و قوارب
و السمك مستني عزمك صيده خير يملى المراكب
لون جبينك لون سماري 
إيد عفية و صدر عاري 
و الرياح لو نوبة شدت ميل لها و ارخي الصواري
مهنتك للناس هواية 
و انسجام مالهوش نهاية 
إرمي صنارتك و راقب غمازات رايحة و جاية 
و الإله لما اختبر 
لجل يتعظوا البشر 
قال ده صيد السبت حرمة و امنعوه ربك أمر 
إمتحان و الصيد يا صابر 
كان وسيلة لرب قادر 
يختبر به عزم مؤمن قلب هش و قلب عامر
* * همسات رمضانية **
** محمود بيومي * *