هنتظر
هستناكى وهنتظر ----------------------لغاية ما قلبك يكون سليم
ولا هيملى عينى حتى القمر ---------------الا عيونك لو نعسانين
وشريان قلبك اللى انشطر ---------هبدله بشريانى وهكون حليم
وهيكون على قلبى زى المطر -------------بينزل رحمه للعالمين
وهمسك وباديه القطر -------------- وهقص شريانى يكون نصفين
السليم ليكى وهرشه عطر ---------- والثانى ليه ولو كان سقيم
وعمرى ما هدوس لك على الوتر ---------الحساس وهقول امين
قلبى على قلبك بينفطر ------------- فى كل ثانيه وفى كل حين
وهظلل عليكى زى الشجر ---------------- وهدعى رب العالمين
تشوفى وبملىء البصر ------------------- قلبك وهو صاغ سليم
وهخلى عينى زى الحجر --------- على اللى يقلى انت منها فين
وهروح وازقله بالحجر ------------------- لغاية ما دمه يسيل حزين
واى نن يكون فجر --------------------- ويعجب بى هيكونلى طين
وهنتظر لما نبضك يستقر ----------- وهحضن قلبك حضن بحنين
وموش هستعجل لو لاخر العمر ------ وعشانك هحس بالتعبانين
وهكمل معاكى مشوار العمر ---------- واموت واشوف قلبك متين
وساعتها اموت وانا مستقر ------------- وهموت ودمعى موش حزين